Hai miradas que só piden unha cousa: volver ter un fogar.

Ese é Lucky.

A súa vida cambiou cando o seu titor decidiu cedelo á protectora. E, aínda así, Lucky segue sendo un can boísimo, deses que non gardan rancor e que seguen confiando nas persoas.

É alegre, sociable e adáptase moi ben a outros cans. Agora comparte canil con Lola, outra cadeliña tamén cedida, e xuntos fan máis levadeira a espera mentres agardan un fogar.

Con algunhas persoas, sobre todo homes, pode mostrarse algo tímido ao principio. Pero Lucky só precisa un pouco de tempo e calma para gañar confianza. En canto sente que todo está ben, achégase e deixa ver o can doce e nobre que é.

Nunca lle vimos un mal xesto cara ás persoas nin cara a outros cans. Lucky é deses compañeiros que só queren estar, acompañar e formar parte dunha familia.

Iso si, é algo escapista, polo que necesitará unha familia responsable que o coide e lle ofreza seguridade mentres descobre, por fin, o que é ter un fogar de verdade.

Lucky non pide moito.

Só unha oportunidade para comezar de novo.

📞 Se queres adoptalo ou recibir máis información:

📱 chámanos ao 600356891 de luns a venres (10:00–13:30 / 16:30–20:00)

📧 ou envía un correo a protectorabiosbardos@gmail.com

AMADRINADO POR: Sara Prieto, Ainoa González.