Chicho apareceu a piques de ser atropelado na A52 en Ponteareas, estaba asustado polo que costou bastantes salchichas e paciencia gañar a súa confianza. Unha vez a salvo, descubrimos que ten un olliño mal polo que non ve nada pero el fai vida completamente normal, encántalle xogar e corretear como o cachorrote que é. É un canciño moi xoven, a penas un cachorro que non comprende como a vida pode ser tan cruel. Agora tocanos demostrarlle que tamén pode ser divertida, amable e chea de amor e bos momentos pero para iso, precisamos unha familia definitiva que lle de a este pequerrecho todo o amor que alguén lle negou.