A Nea a recolleron dúas voluntarias na autovía cando ían ao veterinario, o coche que tiñan detrás atropelouna e non parou. Por sorte non foi grave, tiña unha ferida na cabeza e estaba aturdida, pero en canto sentiu as mans das súas salvadoras moveu o rabiño. Agora está nun fogar de acollida, completamente recuperada e lista para atopar o seu fogar definitivo. É unha cachora de tamaño pequeno, moi alegre, xoguetona e mimosa.